Darbadar Zokirning qaytishi

Militsiya generali, 69 yoshli Zokir Almatov ichki ishlar vaziri Po‘lat Bobojonovning maslahatchisi etib tayinlandi.

2005 yildagi Andijon qirg‘inidan so‘ng Almatov Yevropaga kirishi taqiqlangan shaxslar ro‘yxatiga kiritilgandi. Sobiq ichki ishlar vaziri shu paytgacha matbuotda ko‘rinish bermay kelayotgan edi.

«90-yillar va undan keyingi og‘ir vaziyatlardan ham chiqib ketganmiz», dedi 1991-2006 yillarda IIVni boshqargan general Almatov 27 fevral kungi selektor yig‘ilishidagi ilk chiqishida.

Shavkat Mirziyoev iqtidorga kelgan 2016 yilning dekabrida «Eltuz» nashri sobiq ichki ishlar vaziri Zokir Almatovning prezident maslahatchisi sifatida ishga qaytarilgani haqida yozgan edi.

Boshqa manbalarga ko‘ra, u yangi tashkil etilgan Korruptsiyaga qarshi kurashish komissiyasi raisi etib ham tayinlangan.

Rassom Kirpi
Eltuz.com