O‘zbekistonni 200 dollar oylik oluvchilar boshqarmoqda

O‘zbekiston Moliya vazirligining ma'lum qilishicha, mamlakatda deputatlar va senatorlar 1,56 mln so‘m (186 dollar), vazirlar 1,727 mln so‘m (205 dollar) maosh olishadi.

Vazir o‘rinbosari oyligi esa salgina yuqori — 2,076 mln so‘m ($ 247). Viloyatlar hokimiga 1,9 mln so‘m ($ 226), tuman va shahar hokimlariga 1,643 mln so‘m ($ 195) maosh tayinlangan.

Rahbarlarning bunchalik past oylik olishi ijtimoiy tarmoqda kinoyaga sabab bo‘ldi. Ko‘pchilik mulozimlarning daromadini real hayotdagi bilan taqqoslashni taklif qilishmoqda.

«Bu ularning nima uchun o‘g‘irlik qilishlari, ochiqrog‘i, o‘z qarindoshlarining shirkatlari foydasiga begonalarning uylarini buzishlari yoki otkat olishlari sabablaridan biridir. Ularning holatiga kirib ko‘ring: axir ular o‘z obro‘lariga loyiq (aksincha hurmat qilishmaydi) to‘ylar qilishlari, bolalarini o‘stirishlari, ularga uy qurib berishlari, o‘zlari esa xorijda (eng avvalo, asabdan) davolanishlari kerak. Bunisi hali minimum. Hozircha ular shaxsiy yaxtaga davogarlik qilishmaydi. Ertami-kechmi, bu ham bo‘ladi», deya kinoya ostiga oldi bu ma'lumotni Londondagi Sharq va Afrika tadqiqotlari instituti tahlilchisi Alisher Ilhomov feysbuk sahifasida.

Rassom Tuz
Eltuz.com