Lola dabdabali to‘ylar tarafdori

Sorri, albatta, biroq men progressiv Prezidentimizning kechagi farmonini tushunmadim.

Nimaga to‘y industriyasini buzish kerak?

Hozir to‘y an'analaridan, ayniqsa, badavlat oilalardan, butun boshli kreativ bratiya boqiladi-ku.

Artistlar, qo‘shiqchilar, raqqoslar, o‘rtakashlar, stsenariychilar, shoirlar, rassomlar, dizaynerlar, floristlar, suratkashlar, operatorlar, videoinjenerlar, tikuvchilar, modellar, hunarmandlar, mebelchilar.

Shuningdek, restorandagi bratiya: oshpazlar, ofitsiantlar va h.z.

Poligrafiya-chi? Va albatta, oddiy hammollar, haydovchilar va farroshlarni ham alohida sanab o‘tish joiz!

Ularning har biri, boy oilaning to‘yida xizmat qiladi va ish haqini olib, oilasiga yegulik, kiyim, dori-darmon xarid qiladi, o‘qish, to‘garaklar, kitoblar, internet, TV va dam olish uchun pul to‘laydi.

Demak, bu pullar tag‘in fermerlarga, o‘qituvchilarga, dorixona va behisob mayda qon tomirlari bo‘ylab tag‘in uzoq, uzoq, uzoq manzillarga yetib boradi.

Mana, men yaqinginada mashhur bir davlat ansamblining repetitsiyasida bo‘ldim. Ular barcha davlat tadbirlarida raqsga tushishadi, biroq ikki oydan beri maosh olishmagan. O‘z ishlarini sidqidildan sevishadi va to‘ylarda raqs tushib, oilalarini boqishadi.

Nimaga hozir ularning qanotlarini qirqish kerak bo‘ldi?

Boz ustiga, bunday tajriba bizning hayotimizda bo‘lib o‘tgan.

Menimcha, bizda boylar ko‘p bo‘lgani ma'qul, ularning boy fantaziyasi, “hammasini odamlarnikiday” o‘tkazish orzu-havaslari bo‘lsin.

Mayli, bu chegaradan oshib-toshib ketsin!

Umuman, boylar ko‘proq bo‘lsin.

Yoki men haq emasmanmi?

Men davlatni boshqarishga haqi bo‘lmagan oshpazmanmi?

Lola Sayfiy
Eltuz.com