Adliya vaziri notariuslar oldiga qaysi din talabini qo‘ydi?

Adliya vazirligining kengaytirilgan hay'at yig‘ilishida notariuslarga diniy talablar qo‘yilgani haqida 2 fevral kuni O‘zA xabar berdi.

«Ularga qonuniy ishlash talabini qo‘yish bilan birga, inson sifatida to‘g‘ri ishlash kerakligini tushuntirishga ham ko‘p bor urindik. Hatto diniy asoslarni keltirib, halol bo‘lish, haromdan hazar qilishni uqdirdik», deya adliya vaziri Ruslan Davletov so‘zlaridan iqtibos keltirdi O‘zA .

Biroq mamlakat adliyasi rahbari, Buyuk Britaniyaning Varvik universitetida tahsil ko‘rgan huquqshunos Ruslan Davletov qaysi dinni nazarda tutganini ochiqlamadi.

Holbuki, bugungi kunda O‘zbekistonda o‘ndan ziyod turli din va konfessiya mavjud, diniy qarashlardagi farqlar va qarama-qarshiliklar ham shundan kam emas.

Eltuz.com