Mirziëev Ramatovni cho‘ktiradimi?

Sardobadagi falokat sabablarini o‘rganish bo‘yicha tuzilgan hukumat komissiyasining 7 may kuni e'lon qilingan tarkibiga Sardoba suv ombori loyihasining bosh quruvchisi, «O‘zgidroenergo» AJ raisi, senator Abdug‘ani Sanginov ham kiritilgan. Ammo ro‘yxatda suv ombori qurilishiga mas'ul bo‘lgan yana bir mulozim – bosh vazirning birinchi o‘rinbosari Ochilboy Ramatov nomi yo‘q.

Bu holat ijtimoiy tarmoqda Ramatovning falokat uchun «gunoh echkisi» sifatida jazolanishidan darakligi bilan izohlanmoqda.

«Ishqilib, bir amallab Ochilboy Ramatovni ishdan olishmoqchi, shekilli? Og‘a, bu ketishda «o‘z arizangiz bilan» ishdan ketasiz-ov», deya yozdi feysbuk yuzeri qoraqalpoqlik Qadamboy.

Ramatov Mirziyoevning eng ishongan mulozimlaridan biri sanaladi. «Eltuz» uchun hajviy suratlar chizuvchi rassom Tuzga bu voqelik rus adibi Turgenevning “Mu-mu” hikoyasini eslatdi.

Voqea qahramoni, tabiatan mehnatkash Gerasim vaziyat taqozosi bilan o‘z suyukli kuchugini suvga cho‘ktirishga majbur bo‘lgan edi.

Eltuz.com