O‘zbekiston osmonida ikkinchi Gulnora porladi. Uning ismi Saida!!!

O‘zbekiston prezidentining ilm-fan masalalari bo‘yicha maslahatchisi Abdujabbor Abduvohidovning Toshkentdagi tadbirda davlat rahbarining katta qizi Saida Mirziëevga ta'zim qilgani sotsial medianing o‘zbek segmentida tanqidiy qarshilandi.

Birovlar bu holatga Gulnora Karimova bilan bog‘liq o‘tmishni parallel qilsa, boshqa birovlar O‘zbekistonning Turkmaniston modeliga o‘xshab boraëtanidan afsus bildirishdi.

Toshkentlik me'mor va san'atshunos Abdumalik Turdiev «Ozodlik» radiosiga bergan suhbatida ta'zim bajo keltirish singari manzara guvohi bo‘lganidan taassuf bildirdi.

“O‘zbekiston prezidentining ilm-fan masalalari bo‘yicha maslahatchisi Abdujabbor Abduvohidov kabi ëshi katta kishining qo‘lini ko‘ksiga qo‘yib¸ nevarasi tengi qiz – Saida oldida egilib turganini ko‘rib, juda g‘alati bo‘ldim. Bunday ayanchli manzarani biz Turkmaniston haqidagi lavhalarda ko‘rardik. Hatto Gulnora Karimovaning son-sanoqsiz kino tadbirlarida ham biror mulozimning qaddini bukib, ta'zim qilganini eslolmayman”.

O‘zbekistonda prezident qiziga sig‘inib, uni ko‘klarga ko‘tarish amaliëti Karimov davrida bo‘y ko‘rsatgan edi. O‘sha paytda oligarx Alisher Usmonovdan tortib, hozirgi prezident Mirziëevning xotini Ziroat Hoshimovagacha “malika Gulnora” atrofida oshig‘ich muhabbat bilan irg‘ishlagani aks etgan videolavha «Eltuz»da bor.

Eltuz.com