Toshkent viloyatida o‘nlab bola qatiqdan zaharlandi

Toshkent viloyati bog‘chalarida bolalar ommaviy zaharlanmoqda. Pskent va Bo‘ka tumani yuqumli kasalliklar shifoxonalari o‘nlab bolalarga to‘lgan. 

24-sentyabr kuni viloyat bo‘yicha ommaviy sanitar va epidimiolik holat tekshirishga buyurildi. Unga ko‘ra, Pskent va Bo‘kadagi yuqumli kasalliklar shifoxonalarida bolalar ovqatdan zaharlanish holati qayd etilgan.

Dastlabki ma'lumotlarga ko‘ra, bolalar qatiqdan zaharlangan. Ushbu mahsulot Oqqo‘rg‘on tumanidagi xususiy korxonada ishlab chiqarilgan 3,2 foizli qatiq mahsuloti bo‘lgan. 

Bolalarning ahvoli mo‘'tadil. Vafot etganlar yo‘q, jabrlanganlar soni aniqlanmoqda. 

Vazirlik va Sanitariya-epidemiologiya xizmati tomonidan vaziyat nazoratga olinib, tekshiruv ishlari olib borilmoqda.