Siësatga kirgan Jahongirga onasini ko‘rsatishdi

Sobiq qo‘shiqchi Jahongir Otajonov 5 aprel kuni aeysbukda jonli chiqish qilib, “Erk” demokratik partiyasiga a'zo bo‘lib kirganini e'lon qildi va partiya lideri Muhammad Solih bilan tushgan suratini tarmoqqa joyladi.

6 aprel kuni esa Jahongir Otajonovning onasi Sanamjon Gulmanovaning “o‘g‘liga murojaati” tarmoqda tarqatildi. Uch daqiqadan oshiqroq videoda Sanamjon Gulmanova xuddi birov tutib turgan matnni o‘qigan misol gapiradi:

«Bu nima degani bo‘ldi. Sen vatan xoini deb hisoblangan bir iflosning oldiga boribsan. Muhammad Solih deganni. Sen undan nimani kutib bording? Sen uning oldiga nima maqsadda bording?”

Bu gaplardan keyin kasbi adabiët o‘qituvchisi bo‘lgan Sanamjon opa “o‘g‘lining “Erk“ partiyasiga kirganligini butun oila hazm qilolmay o‘tirganligi»ni aytib, ko‘ziga ësh oladi:

“Bizlar sendan shuni tilaymiz. Hali ham vaqt borida bu yo‘ldan qayt, bolam. Butun oila a'zolarimiz bilan sendan yalinib, ëlvorib so‘raymiz. Bu yo‘ldan qayt, Jahongir. Qayt!»

Stalin davrida “xalq dushmani” deya qamalganlarning ota-onalari ham o‘sha paytda farzandlarini qarg‘ab “Qizil O‘zbekiston” gazetasida chiqarilgan. O‘zbekistondagi joriy hukumat qizil O‘zbekiston repressiya usullarni samarali qo‘llamoqda.

Rassom Elsevar

eltuz.com