Kirpi kundaligi: Blogerlar Rossiyaga ishchi yetkazib berayaptimi?

Instagram platformasida Rossiyada ishlash taklifini beradigan reklamalar kundan-kun ko‘paymoqda. Turli blogerlar va vaynerlar sahifasida ham bunday reklama-storislarga tez-tez ko‘zimiz tushyapti.

Rossiya ayni damda urush olib borayotgan, turli davlatlar tomonidan sanktsiyalar qo‘llangan agressor mamlakat. Urush propaganda mashinasi tinim bilmay ishlamoqda. Ishlash va yashash uchun eng noto‘g‘ri va xavfli qaror.

Pul uchun axlatniyam zo‘r deb beradigan subutsiz o‘zbek bloger-vaynerlari bunday reklamalarni targ‘ib qilishdan avval shu tomonlarini biroz hisobga olishi kerak.

O‘zi instagramchilar reklamasini tartibga soladigan payt keldi. Bir guruh hijobashka, ahmoq ayollarning moshenik go‘rso‘xtani duxtir deb chiqqan reklamasini deb qanchadan-qancha bola ziyon ko‘rdi, kasalxonalarga tushdi. O‘sha moshenik akkauntini o‘chirib, hammasidan qutulib qoldi, ish ham yopdi-yopdi bo‘ldi, o‘rtada shuncha bola kasal-majruh bo‘lgani qoldi.

Rus tili ham, Rossiya ham hozir aktual emas, qancha o‘zbek bolasi urushda yuribdi, qanchasining o‘ligi keldi, qancha o‘zbek ko‘chada kaltaklanyapti, xorlanyapti. Bunday chaqiriqlarga hushyor qarash kerak.