Hech kimga bermaymiz seni, Ramzanjo-o-on!

5 mart kuni Groznыy shahridagi «Safiya» tantanalar uyida O‘zbekiston xalq artisti Yulduz Usmonova Ramzan Qodirovga qarab «Xech kimga bermayman…» degan qo‘shig‘ini kuyladi, kontsert arafasida esa Ramzan Qodirov kuni bitgani bois lavozimidan ketmoqchiligini aytgan edi.

Yulduz Usmonova kuylarkan Ramzan qarsak chalib o‘tirdi va qo‘shiq tugagach sahnaga chiqib Yulduzni maqtadi. Keyinchalik, Ramzan instagram sahifasida Yulduz Usmonovani Qozog‘iston, Turkmaniston va Tojikiston xalqlari artisti leb atadi.

Yulduzning kasofat qo‘shig‘i hokimiyatdan ketish harakatiga tushgan Ramzan Qodirevga keltirmagani kabi, o‘sha kuni boks chempioni Ruslan Chagaevga ham hosiyat keltirmadi.

Bokschi uchun «syurpriz ekani» aytilgan Yulduz o‘sha kuni jang oldidan “Ruslan Chagaevni dastaklash uchun Chechenistonga uchib kelgan» va ringning o‘zida turib Chagaevga bag‘ishlab jonli qo‘shiq kuylagandi. Grozniyda Ruslan Chagaevga bag‘ishlab qo‘shiq kuylaganidan so‘ng esa mashhur bokschi ham mag‘lubiyatga uchradi.

Yulduz Usmonova 2006 yil, Turkmaniston prezidenti oldida qo‘shiq kuylaganidan bir necha kun o‘tib Saparmurod Niyozov olamdan o‘tgan edi.

2014 yilda O‘zbekiston prezidentining to‘ng‘ich qiziga bag‘ishlab qushiq kuylaganidan keyin Gulnora Karimova ustidan jinoyat ishi ochilib, u uy qamog‘iga olingan edi.

O‘tgan yili, O‘zbekiston prezidentiga bag‘ishlab qo‘shiq aytganidan uch kun o‘tib, Islom Karimovning akasi Ibod Karimov olamdan o‘tgan edi.

Rassom Tuz
Eltuz.com