O‘ymoq o‘yini

Bizning huquq himoyachilarimiz, muxolifatchilar va oddiy fuqarolar ham odatda hokimiyatdan adolat va himoya izdashadi, – ular shunchaki hokimiyat yo‘q joylardan – prokuratura, sud, militsiya, senat, prezident mahkamasidan qidirishadi. Bari behuda.

Agar bunga qattiqroq jahd qilishsa, hatto ularni Jinoyat kodeksining 159-moddasi – O‘zbekiston respublikasi konstitutsion tuzumiga tajovuz qilishda ayblashlari ham mumkin, bu ham tez tez uchrab turadi.

Men ularni koyimoqchimasman, shunchaki bir haqiqatni tushuntirmoqchiman, O‘zbekistonda barcha hokimiyat shohobchalari xalqdan ajratilgan, biroq bir biridan emas.

Men bugun buning bari aslida qanday tuzilganini ko‘rsatmoqchiman. Albatta, bu mening fikrim, kimdir bunga e'tiroz bildirishi mumkin, biroq O‘zbekistondagi hokimiyatning siyrati o‘ymoq o‘yiniga juda o‘xshash.

Mana mening oldimda uchta bo‘sh stakan, O‘zbekistondagi uchta hokimiyat shohobchasi – qonunchilik, ijro va sud hokimiyati. E'tibor bering, barcha stakanlar bo‘sh – u yerda shunchaki hokimiyat yo‘q.

Mening qo‘limda esa sharcha, boshqa mayda firibgarlarniki kabi porolondan emas albatta, temirdan.

Uni bo‘sh stakanlardan biri ostiga qo‘yib stakanlarni aralashtiramiz. Aralashtiramiz, aralashtiramiz… Endi, sharni qaerdaligini toping?

«U qo‘lda!» – juda aqlli javob qildi «Shut me» jamiyati a'zolaridan biri.

Men bunga qo‘shimcha qilib, stakanlar ham – hokimiyatning barcha uchta shoxi ham bitta odamning qo‘lida ekanini aytmoqchiman.

Ular hech kim bilan bo‘lashilmagan. Hokimiyatni anglatuvchi shar, uning hoxishi bilan bir biridan o‘tib vaqtincha har qanday stakan ostida paydo bo‘lishi mumkin, va biz ko‘rishni istagan joyda hech qachon bo‘lmasligi mumkin.

Boshqa tomoni, agar e'tibor bergan bo‘lsangiz, sharimiz temirdan – raxbarlarimiz maqtanganidek, bizda kuchli hokimiyat bor, garchi aslida jamiyat kuchli bo‘lishi kerak, afsuski bizning istagimizga zid tarzda u ancha zaif.

Aksa holda har qanday sodda odam ham hokimiyatdagi bu firibgarlarning o‘yinlarini fosh qilgan bo‘lardi.

Qudrat Bobojonov