O‘zbek publitsistini milliy nizoda ayblashmoqchi

Mustaqil o‘zbek publitsisti Shuhrat Salomov Armani va Ozarbayjon jamiyatining o‘zaro milliy ziddiyatlari ostida qoldi.

24 yanvar kuni o‘tgan asrlarda ko‘hna Farg‘ona vodiysida yuz bergan tarixiy voqealar haqidagi asarlari uchun uni O‘zbekiston Bosh prokuraturasiga chaqirishgan.

Shuhrat Salomovning advokatiga ko‘ra uni „milliy nizo qo‘zg‘agani uchun“ javobgarlikka tortishmoqchi.

Eltuz Shuxrat Salomov bilan bog‘landi, biroq u surishtiruv tugamaguniga qadar uning tafsilotlarini ochmasligini bildirdi.

Shuxrat Salomov «Turkiston va Janubiy Kavkaz XIX-XX asrlarda. Dashnoqlar: Farg‘onadan to Qorabog‘gacha», «Qorabog‘: g‘oyalar urushi» kitoblari muallifidir.

Bu kitoblarda 1918 yili Markaziy osiyo va Ozarbayjonda armanilar tomonidan mahalliy aholiga nisbatan qilingan qirg‘in haqida so‘z yuritiladi.

Ayni motivlar internetda armani va ozarbayrjonlar o‘rtasidagi katta munozaraga sabab bo‘ldi.

Salomovning himoyachisi Muxtor Mustafoev, muallifga bosimlar bo‘layotgani, yaqinda uning uyiga bezorilar hujum qilib oynasini tosh otib sindirishgani haqida ozarbayjon matbuotiga bildirdi.

Salomovga ko‘ra, O‘zbekistondagi Ozarbayjon madaniy markazi uni himoya qilmoqda, bir guruh o‘zbek advokatlari beg‘araz huquqiy yordam ko‘rsatmoqda.

Biroq O‘zbekiston bosh prokuraturasi qaysi pozitsiyada ekani noma'lum.

Video: https://youtu.be/3gsqrsqkVuA

Eltuz.com