Nyu-Yorkdan nazar: O‘zbekistonda Konstitutsiya qanday buzilmoqda?

Qishloq xo‘jaligi mutaxassisi, 70 yoshli Ismoil Ospanov “Eltuz” orqali turkum chiqishlarini davom ettirib, navbatdagi videosini Konstitutsiya kuniga bag‘ishladi.

“Konstitutsiyani prezident Mirziyoevning o‘zi buzmoqda. Uning vaqtinchalik prezident bo‘lib iqtidorga kelishining o‘zi Konstitutsiyaning buzilishiga misol, – deydi Ismoil Ospanov. – Prezident Karimov o‘lganidan so‘ng O‘zbekiston rahbarligi Konstitutsiyaning 96-moddasiga ko‘ra, senat raisi Nig‘matilla Yo‘ldoshev zimmasiga o‘tishi kerak edi».

Ospanov o‘z chiqishida prezident yuritayotgan populistik siyosatni tanqid qiladi. Uning fikricha, hokimlarni o‘zining viloyatlardagi vakillari deya e'lon qilib, ularga cheksiz hokimiyat berilishi ham Konstitutsiyaga zid zararli g‘oyadir.

Bundan ilgari “Eltuz” kanalidagi videochiqishlarida sobiq hokim Ismoil Ospanov mamlakatda energetika inqirozi, prezidentning kadrlar siyosati, dehqonlar huquqlarining kamsitilishi, klaster tizimidagi korruptsiya holatlarini tanqid ostiga olgan edi.

Eltuz.com