Qo‘shib yozish – sovet davridan to bugungacha kelayotgan illat

Qishloq xo‘jaligi mutaxassisi, 70 yoshli Ismoil Ospanov «Eltuz» orqali o‘z turkum chiqishlarini davom ettirib, navbatdagi videosini qishloq xo‘jaligidagi ko‘zbo‘yamachilik, qo‘shib yozish muammolariga bag‘ishladi.

Ospanov qo‘shib yozish, ko‘zbo‘yamachiliklar bugungi kunda avj olganini aytarkan, bunga prezidentning Xorazm viloyatiga safari chog‘ida xo‘jako‘rsinga qurilgan soxta issiqxonalarni misol keltiradi.

Uning fikricha, mahalliy amaldorlarning rahbarlar oldida bunday ko‘zbo‘yamachilik amallari uzoq sovet o‘tmishidan buyon o‘zgarishsiz kelmoqda.

Bundan ilgari «Eltuz» kanalidagi videochiqishlarida sobiq hokim Ismoil Ospanov mamlakatda energetika inqirozi, kadrlar siyosati, dehqonlar huquqlarining kamsitilishi, klaster tizimidagi korruptsiya holatlarini tanqid ostiga olgan edi.

Eltuz.com