Bloger Otabek Sattoriy ustidan sud boshlandi

11 mart kuni jinoyat ishlari bo‘yicha Muzrabot tumani sudida bloger Otabek Sattoriy ustidan sud boshlandi. Sattoriy tovlamachilik, tuhmat va haqoratda ayblanmoqda.

Yutubdagi «Xalq fikri» kanali asoschisi, 42 yoshli Otabek Sattoriy joriy yilning 29 yanvar kuni Termiz shahrida Surxondaryo viloyati Ichki ishlar boshqarmasi tergov bo‘limi xodimlari tomonidan hibsga olingan edi. 

Blogerning otasiga ko‘ra, Sattoriyni Sherobod hokimligidan deya uning singan telefoni o‘rniga keltirib berilgan qog‘oz paketga o‘rog‘liq yangi telefonni olayotgan paytda «daliliy ashyo bilan» ushlashgan.

Sudga raisi Y.Yo‘ldoshev 1 fevral kuni chiqargan ajrimda «ayblanuvchi Otabek Sattoriyga ehtiyot chorasi sifatida” qamoq belgilangani va u Termiz shahri 9-tergov hibsxonasida qolishi yozilgan edi.