Pedofil kanal ochgan yigitni o‘zbek sudi shartli jazoladi

Buxorolik ishsiz, bo‘ydoq rijol Jasur Sultonov Telegram ijtimoiy tarmog‘ida «Qizlik olish detski», «1000% ishonchli», «Hijobli homilador», «Aylana videolar» nomli profillar ochib, bolalar ishtirokidagi pornografik videolar tarqatgan.

Shunday esa-da, Jasur Sultonovga bor-yo‘g‘i 4 yil ozodlikni cheklash va kechasi uydan chiqmaslik jazosi belgilangan.

Jasur Sultonov kanallardagi porno videolarda voyaga yetmaganlar tasvirlangan. Jinoyatchi video tarqatishni «biznes»ga aylantirib, reklama tarqatgan va kanallarga a'zolik uchun 25 ming so‘m undirgan.

Eslatib o‘tamiz, O‘zbekiston Respublikasi jinoyat kodeksining 130-moddasiga binoan voyaga yetmaganlar ishtirokidagi pornografik materiallarni tarqatish, reklama qilish, namoyish etish besh yildan yetti yilgacha ozodlikdan mahrum qilish bilan jazolanadi.

Biroq Jasur Sultonovga kelganda qonunning beli sinib, qishloq hududidan chiqmaslik jazosi tayinlandi.

«Chirib ketgan» AQShda bolalar ishtirokidagi porno videoni telefonida saqlagan o‘zbek rijol 19 yilga qamaldi – u internetda porno video do‘koni ochmagan edi.

Lekin pedofilizm videolarini saqlashning o‘zi ham og‘ir jinoyat deb hukm o‘qildi. O‘zbekistonda pedofil porno videolarni saqlab, tarqatib pullagan nokas 4 yil oyog‘ini uzatib uyda yotsa bas. 

Aftidan, sud qatnashchilari va jazoni belgilagan sudya pedofilizm targ‘ibotini arzimas jinoyat deb hisoblaydi.

Eltuz O‘zbekistondagi pedofiliya jinoyatlariga oid voqea va xodisalarni kuzatishda davom etadi. Kanalimizga obuna bo‘ling, videolarimizga layk bosing.