Amerikada yana bir o‘zbek xotinini o‘ldirdi

Amerika Qo‘shma Shtatlarining Illinois shtati, Neypervil shahrida yashovchi asli o‘zbekistonlik 55 yoshli Zohir Qudratov o‘zining sobiq turmush o‘rtog‘i Rahimaxon Qudratovani yurak qismiga 30 martadan oshiq pichoq urib o‘ldirganlikda ayblanmokda.

Shanba tongi, 6 Iyul kuni Neypervil politsiyasiga juftlikning o‘smir qizidan yordam so‘rab qo‘ng‘iroq kelib tushgan.

Yetib kelgan politsiya va tez yordam urinishlariga qaramay Rahimaxon Qudratova kasalxonada uch soat o‘tib vafot etgan.

Zohir Qudratov Rahima Qudratovaga pichoq bilan zarba yetkazayotgan payti sobiq juftlikning o‘smir kizi otasidan pichoqni kuch bilan tortib olishga urinadi, politsiya bergan ma'lumotga ko‘ra, shu damda ham Qudratov sobiq xotiniga yana 2 marta pichoq sanchishga ulguradi.

Qo‘lidan pichoqni olib qo‘ygan qiziga yuzlanib «Kechir qizim» deb yerda jon talvasasida yotgan sobiq turmush o‘rtog‘ining yuziga yana ikki marta kuch bilan tepadi.

Politsiyaga bergan ko‘rsatmasida Qudratovlarning qizi, ota-onasi 10 yil oldin ajrashgani, lekin shunga qaramay, ikki qavatli uyning ikki qavatida alohida hayot kechirganini aytgan.

Odatda Rahimaxon Qudratova istiqomat qilgan ikkinchi qavat eshigi kod bilan qulflangan bo‘lgan, ammo aynan o‘sha kuni Zohir Qudratov sobiq turmush o‘rtog‘ining orqasidan uyning unga tegishli bo‘lgan qismiga bostirib kirgan.

Qudratovlarning qizi otasining badfe'l va zo‘ravon bo‘lgani, onasini muntazam do‘pposlab kelgani va 2023 yilning oktyabr oyida Rahimaxon Qudratovaga O‘zbekistondaligi paytida pichoq bilan hujum qilib, unga 3 marta zarba yetkazgani, buning natijasida Rahimaxon Qudratova O‘zbekiston kasalxonasining jonlantirish bo‘limida davolanib chiqqanini aytib bergan.

Jinoyatning shafqatsizlik bilan sodir etilgani Zohir Qudratovning zo‘ravon o‘tmishi  hamda O‘zbekistonga qochib ketishga urinishi xavfi borligini inobatga olib, Vill Okrug sudining jinoiy ishlari buyicha sudyasi Qudratovning tergov oldi garovi bilan ozodlikka chiqish iltimosini rad etdi.

Xotin go‘rda. Er qamag‘da.

Neypervil AQShning Illinois shtatidagi eng go‘zal va tinch shahar hisoblanadi.

Illinois Shtatning eng yuqori reytingli maktablariga ega bu shahar o‘zbek muhojirlari orasida juda mashhur.

Qudratovlar ham shu shahardagi hashamatli, 1 million dollardan baland baholangan, ikki kavatli – 5 xona va 6 hojatxonadan iborat uyda istiqomat qilishgan. Eltuz horijda yashayotgan o‘zbeklar jinoyatiga oid xabarlarni yoritishda davom etadi. Kanalimizga obuna bo‘ling. Videolarimizga layk bosing. Agar ayrim yopiq videolarni ko‘rishni yoki shunchaki kanalimizni qo‘llab quvvatlashni istasangiz, super rahmat knopkasini bosing. Sog‘ bo‘ling.