ChIMBOYDAGI BOG‘ChADA MAXSULOTLAR YaShIRILGANI FOSh ETILDI

2025 yil 23 iyul kuni Qoraqalpog‘iston Respublikasi Chimboy tumanining 22-sonli bolalar bog‘chasidagi audit tekshiruvi paytida oziq-ovqat mahsulotlari podvalda yashirincha saqlanayotgani aniqlandi. Yashirib qo‘yilgan mahsulotlarni O‘zbekiston Respublikasi Maktabgacha ta'lim vazirligi auditori yerto‘ladan topgan.

Ma'lumotlarga ko‘ra, 2025 yil 1 avgustga qadar Chimboy tumanida audit ishlarini olib borayotgan mulozim 22-sonli bog‘cha podvalida mol go‘shti, tovuq go‘shti, tvorog, kefir, kartoshka va piyoz kabi mahsulotlar noqonuniy ravishda saqlanayotganini aniqlagan. 

Ayni vaqtda ushbu mahsulotlar bog‘cha mudirasi Qaipova Baxitgүl tomonidan har kuni uyiga tashilishi va bog‘cha bolalariga berilmasligini bog‘cha xodimi Eltuzga so‘zlab berdi.

Mazkur holat O‘zbekiston Respublikasi qonunchiligi va Maktabgacha ta'lim muassasalari faoliyatiga oid me'yorlarga zid hisoblanadi.

Hozirda mazkur holat yuzasidan rasmiy choralar ko‘rilishi va tegishli huquqiy baho berilishi kutilmoqda.