Samarqand aeroportida yong‘in yuz berdi

2025 yil 19 avgust kuni Samarqand xalqaro aeroporti hududida yirik yong‘in sodir bo‘ldi. Hodisa Prezident terminali oldida, meteorologik uskuna yaqinida elektr montaj ishlari paytida ro‘y bergan.

Aeroport direktori Shodibek Qo‘chqorovning Prezident tashrifi uchun shoshma-shoshar tayyorgarligi bu falokatga olib kelgani aytilmoqda. Elektr xizmati xodimlari necha bor xavf haqida og‘zaki ogohlantirganiga qaramay, qurigan o‘t-o‘lan ustida burchakli elektr arra (bolgarka) ishlatilgan. 

Haroratdan chiqqan uchqun alangalanib, olov «Bravo» maydonidan «Charli» tomonga qadar — taxminan 600 metrga tarqalgan.

Guvohlarga ko‘ra, voqea joyida parvoz xavfsizligi inspektori Umid Rahmatullaev ham bo‘lgan. Ammo yong‘in o‘chirish kechikqani uchun infratuzilmaga katta moddiy zarar yetgan.

Aeroport direktori olovni o‘chirishga jalb qilingan ishchilar va o‘t o‘chiruvchilarning telefonlarini yig‘ib olib, hodisaning rasmga olinishiga yo‘l qo‘ymagan, deydi Eltuz insayderi. Uning bildirishicha bu nafaqat xodimlar va yo‘lovchilar hayotiga tahdid soldi, balki butun aeroport xavfsizligini izdan chiqardi.

Endi esa direktor o‘zini oqlash uchun hamma aybni oddiy ishchi — Zafar Gapirov zimmasiga ag‘dargani aytilmoqda.

Eltuz manbasiga ko‘ra, shu holatdan so‘ng Prezidentga shikoyat arizasi yuborilgan. Arizada Shodibek Qo‘chqorovning noqonuniy harakatlari, xavfsizlik qoidalariga rioya etmagani va aeroportdagi beqaror boshqaruvi keskin qoralangan.

Samarqand aeroportidagi xavfsizlik qoidalarini buzgan rahbar jazolanadimi yoki odatdagidek «chiroyli hisobotlar» fonida ayblar yuvilib ketadimi?

Eltuz O‘zbekistonda yuz berayotgan voqea va hodisalarni yoritishda davom etadi. Kanalimizga obuna bo‘ling. Video yuzasidan izohlar qoldiring.