Xorazmdagi mustaqil ALC telekompaniyasi Karimovning siësiy qarori bilan ëpilgan

Taniqli publitsist va sobiq deputat Karim Bahriev deyarli ikki yarim soat davom etgan Lolazor podkasti oxirida Islom Karimov davridagi tsenzura haqida so‘z yuritib, qariyb 25 yil o‘zbek matbuoti uchun taqiqda bo‘lgan mavzu Urganchdagi Ey El Si telekompaniyasining yopilishi haqida ilk bor gapirdi.

«Aka uka Shuhrat Bobojonovlarning chet elga chiqib ketishlariga sabab ularning ALC televideniesi samolyotning portlaganini ko‘rsatgani bo‘lgan-da endi. Urganchda samolet qulagan. Buni ko‘rsatish mumkin bo‘lmagan. «O‘zbekiston Havo yo‘llari»ning sertifikati bo‘lgan, eng havfsiz kompaniya degan. Bunaqa xabarlar UzAga kelardi. Oldin O‘zAning teksti chiqishi kerak edi. Qanday talqin qilish, kimni aybdor qilish kerak? Bular s'emka qilishganda bervorishgan Ey El Si dan endi. U paytdagi tsenzura sabab oldin UzAdan chiqmasa, haq so‘zni chiqara olmasdi. Shundan so‘ng bular chet elga ketib qolishdi. Birovi «Ozodlik», birovi «Eltuz» qilib kun ko‘rib yurishibdi. Bularning ketishiga shu sabab bo‘lgan» dedi Karim Bahriev «Lolazor» podkastidagi ko‘rsatuvda.

1994 yili Urganch shahrida Shuhrat, G‘ayrat va Qudrat Bobojonovlar mustaqil mustaqil telestudiya tashkil etishgan edi. Aslida ochilgan kunidan buyon uni tugatishga hokimiyat amaldorlari tomonidan ko‘plab urinishlar bo‘lgan va ALC mustaqil telekompaniyasi tashkil topganidan besh yil o‘tib tugatilgan.