Mirobodda kasalxona qurgan ustalar maoshsiz qoldi

Toshkent shahar Mirobod tumani  Shahrisabz ko‘chasi, 8 manzilida joylashgan ko‘p tarmoqli shifoxona qurilishida ishtirok etgan 500 dan ortiq ishchining 4 oylik ish haqi to‘lab berilmayapti.

Sentyabrdan dekabrgacha bo‘lgan oylikni yangi yil bayramiga yaqin to‘lab berish va'da qilindi.  Biroq aytilgan muddatdan 10-15 kun o‘tib ham puldan darak yo‘q. 

Quruvchi usta ishchilar adolat so‘rab prokuratura, bandlik vazirligi va Toshkent shahar hokimligiga bir necha bor murojaat qilishdi.  Natija nolga teng.

Ob'ekt oldida pulini ololmaganidan norozi erkaklar yig‘ilib turibdi. Besh yuzlar atrofidagi ishchilarning 4 oylik maoshi davlat byudjeti uchun ot bilan tuya narxi bo‘larmidi?  Mas'ullardan muammoni zudlik bilan bartaraf etish va qurilish pulini o‘margan o‘g‘rilarga chora ko‘rish so‘raladi.