Kallardan gapirmaymiz: Hindistonlik ayol o‘zining kal ekanini yashirgan erini sudga berdi

Hindistonda ayol eri undan kalligini yashirib kelgani uchun sudga arz qildi.

Lavika Gupta achchiq haqiqatdan nikoh kechasida xabar topgan — eri aslida butunlay kal bo‘lib, uning «qalin sochlari» shunchaki parik (nakladka) bo‘lib chiqdi.

Bundan tashqari, Lavika erini soxta ma'lumotga egalikda, past daromad, tovlamachilik, Tailanddan marixuana kontrabandasi bilan shug‘ullanishga majburlash va uydagi zo‘ravonlikda aybladi.

Mazkur holat yuzasidan besh kishiga — kal erkak va uning kalligi va boshqa ayblarini yashirib kelgan to‘rt nafar qarindoshiga nisbatan jinoyat ishi qo‘zg‘atildi.