Televizor o‘g‘risi ikki yilga qamaldi

Bekobodlik vaqtincha ishsiz bo‘lgan A. Asrankulov 2025 yil 19 noyabr kuni soat 20:00 larda o‘ziga oldindan tanish bo‘lgan H.Utegenovaning uyidan bozor narxi jami 6.000.000 so‘mlik “ROISON” nomli televizorini o‘g‘irlab, ushbu televizorni o‘zining shaxsiy ehtiyojlari uchun ishlatish maqsadida yashash xonadoniga yashirib qo‘ygan. 

Sud zalida ayblanuvchi o‘g‘rilikka tushgan payti mast bo‘lganini, shu kuni o‘g‘li bilan ko‘rishganida onasi televizor olmoqchi bo‘lib yurganini aytganini, u ichgan vaqtida aytgan gaplari esiga tushib puli yo‘qligi sababli H.Utegenovaning uyidagi televizor esiga tushib qolib, o‘g‘rilikka borgani haqida ko‘rsatma berdi. U bu uyda hech kim yashamasligini bilgani uchun ham oldindan rejalashtirilgan o‘g‘riligi xamirdan qil sug‘urgandek yuz berganini tan olgan.

Sud A.Asrankulovning sodir etilgan jinoiy harakatlari O‘zbekiston Respublikasi JKning 169-moddasi 2-qismi “g” bandi bilan o‘g‘rilik, ya'ni uy-joyga g‘ayriqonuniy ravishda kirib, o‘zganing mol-mulkini yashirin ravishda talon-taroj qilishda aybdor deb topib, unga shu modda bilan ish haqidan 10 foiz davlat daromadi hisobiga ushlab qolgan holda 2 (ikki) yil muddatga axloq tuzatish ishlari jazosi tayinladi.

Televizor o‘g‘risi axloqini tuzatyapti.