Xalq dardini yozish «yozg‘uvchi»lik bo‘ldimi?

«Hurriyat» gazetasi (07.12) yosh jurnalist yigitning mohiyatan xalq dardini yozishdan qochib, buni o‘zicha oqlashga uringani to‘g‘risidagi maqolani e'lon qildi.

«Jurnalist «yozg‘uvchi» emas» sarlavhali maqolada bo‘lajak jurnalist talaba yigit amaliyotini tuman gazetasida o‘tab, bozordagi tartibsizliklar haqida tanqidiy maqola yozgani uchun qo‘shnisi maqtaganini aytadi.

Muallif bu qo‘shnisi qishloqda gaz yo‘qligini, gazchilar ustidan ham tanqidiy maqola yozishni so‘ragani, ularning «oyog‘i kuygan tovuqdek yugurishini ko‘rib maza qilish»ni istaganini bildiradi.

Buni qarangki, qo‘shnisi «dumaloq xat» yozish bo‘yicha dong chiqargan odam ekan. Shuning uchun bo‘lajak jurnalist bu muammoni yozib chiqishdan o‘zini tortibdi.

«Axir bu tuman gaz ta'minoti xodimlarining ishi-ku. Qolaversa, bu borada ariza va shikoyatlarni qabul qiladigan tegishli tashkilotlar yo‘q emas», deb o‘zini oqlabdi bo‘lajak jurnalist.

Kechirasiz-u bo‘lajak jurnalist, odam «yumaloq xat» yozadimi, «to‘rtburchak yoki uchburchak xat» yozadimi, xalq dardini aytsa, uni «yozg‘uvchi»likda ayblash unchalik to‘g‘ri bo‘lmasa kerak. Xalq dardini jurnalist aytmaganidan keyin bu haqda kimdir gapirsa yoki sizdan bu haqda yozishni so‘rasa, uni buzg‘unchilikda ayblash, muammoning yechimini birovlarning zimmasiga yuklash bilan g‘ururlanish kerakmi?!

Bahodir Sharif
O‘zbekistonlik gazetxon tahallusi
Eltuz.com

Tilanchi rais, yorilgan quvur va haydovchilarga halaqit berayotgan svetofor -EP151

Salom qadrli muhlislar, Eltuz portaliga yo‘llangan co‘nggi 5 ta maktub O‘zbekistonning Namangan, Qashqadaryo, Navoiy va Andijon viloyatlaridan kelgan. Xatlar oqimi ayni soniyalarda ham davom etmoqda. muammolar echimini ta'minlash, shuningdek kanalimizning alohida sahifasiga kirib privatga o‘tkazilgan yopiq videolarni ko‘rish uchun Eltuz kanaliga obuna bo‘lish, layk bosish, kanalni qo‘llab quvvatlash tavsiya qilinadi va biz xatlarni o‘qishda davom etamiz. Dastlabki murojaat Namangandan. ...