Telegramdagi radikal kanallar kuzatuvdami?

Jizzaxlik fuqaro telegramda azjon*** nomli kanal ochib radikal diniy da'vat mazmunidagi 380 ta audio, turli foto va videolarni muntazam ravishda joylab kelgan.

2024 i‌il 8 yanvar kuni Jizzax viloyati IIB va DXX Jizzax viloyat boshqarmasi xodimlari o‘tkazgan tezkor tadbirda kanal egasi qo‘lga olindi. Tergov jarayonida ham, sud majlisida ham targ‘ibotchi arab tilini bilmasligi, nashidlar mazmunini tushunmasligini ta'kidlagan. Odam o‘zi tushunmagan narsaga fanat bo‘lib tarqatishi uchun IQ qay darajada bo‘lishi kerak?

Jizzax viloyati sudi radikal “diniy” targ‘ibotchining bir bolasi borligi va “chin dildan pushaymonligi”ni inobatga olib 2 yil 3 oy 27 kunga ozodlikdan mahrum qildi.