CARDOR SULTONGA AYLANADIMI?

Turkmanistonda amaldagi prezident Sardar Berdimuhamedovga sulton unvonini berish, butun hukmron oilani esa “abadiy shohlar” maqomi bilan taqdirlash taklifi yangradi. Bu haqda turkman OAVlari xabar tarqatdi.

Ushbu tashabbus 29 iyun kuni yangi Arkadag (Orqatog‘) shahrida millat yetakchisi Gurbanguli Berdimuxamedovning tug‘ilgan kuniga bag‘ishlangan tantanalar paytida yangradi. 

Turkmaniston xalq artisti Jemal Saparova sahnada qo‘shiq ijro etib, shunday chaqiriq bilan chiqdi: “Turing, bosh eging, Sardar oldida. U umrbod sulton bo‘lsin. Sultonga toj kiydiring!” 

Tez orada bu chiqishning videosi “Arkadag” telekanali orqali namoyish etildi. Mazkur musiqiy tarona tezda ommalashib, boshqa ijodkorlar tomonidan ham keng ijro etila boshladi.

2022 yildan buyon mamlakatni boshqarayotgan Serdar Berdimuxamedov hozircha rasmiy unvonga ega emas. Otasi Gurbangulini Orkadag (Orqatog‘) deb atashadi. Turkmanistonning birinchi prezidenti Samarmurod Niyozovga Turkmanboshi maqomi berilgan edi. 

Tahlilchilar fikriga ko‘ra, “toj kiygizish” g‘oyasi aslida Sardorning o‘ziga emas, balki davlatni avval boshqargan va hali ham turkman siyosatining ta'sirli figurasi bo‘lib qolgan uning otasi — Gurbanguli Berdimuhamedovga qaratilgan bo‘lishi mumkin.