Murod Jo‘raev: «Hokimlarni xalqning o‘zi saylasin»

Eltuz.com Dokument rukni ostida tarixiy hujjatlarni taqdim etishda davom etadi. Qo‘limizga tushgan 1992 yilga mansub «Erk» gazetasi parchasida, o‘sha paytda Muborak tumani hokim va parlament deputati bo‘lgan Murod Jo‘raev fikrlari aks etgan.

Murod Jo‘raev
O‘zbekiston Xalq deputati

Yig‘ilganimizning boisi – nima qilsak, xalqimizni boshiga tushayotgan tashvishlardan holos qilamiz, degan savolga javob berish desam, xato bo‘lmaydi.

Hozir xalqning orasida – ilgarigi Ittifoq ming marta yaxshi edi, degan gap yuribdi.

Yana bir narsa, 1990 yili bir guruh deputatlar Mustaqillik deklaratsiyasini parlamentga olib chiqdik. 1991 yili yana mustaqillik e'lon qilindi, 1-sentyabr bayram qilina boshlandi. Unda birinchi deklaratsiya qaerga ketdi?

Hozir parlamentda 18 ta deputatimiz bor. Har qanday yo‘llar bilan ularga so‘z bermaslikka harakat qilinadi.

Boshqa davlatlarda kun tartibi uch kunlab muhokama qilingani holda, bizda bir kunda ko‘plab qonun qabul qilinishi mumkin.

Biz yo birlashishimiz yoki bitta bitta maydonni tashlab chiqishimiz kerak.

Hokimlikka tayinlanilishi haqida bu yerda ko‘p gap bo‘ldi. Shu haqda taklifim bor edi:

1. Birinchi bosqichda hokimlarni deputatlar saylashi kerak.

2. Ikkinchi bosqichda,hokimlarni xalqning o‘zi saylasin.

Shunday qilsak, xalqimizni ham, raxbarlarni ham demokratiyaga o‘rgatamiz, hamda hokimiyat strukturasida o‘zgarishlar bo‘lishiga turtki beramiz.

(matn parchasi tugadi)

Eltuz.com