Amishlar Kim?

Shovotliklar «emish» ya'ni ona emchagini emish so‘zini «amish» deb ishlatadi. AQShda esa «amishlar» – bu diniy e'tiqod bois yuz yillar oldin Germaniyadan qochib kelgan sekta. Amishlar o‘z «saodat asrini» Amriqo o‘rmonlarida qurib, «o‘z shariatiga» rioya qilib, telefon, internet kabi tamaddun mevalaridan al hazar qilib, yashaëtan patriarxal jamoa. Gapning qisqasi dunëdagi qanday cho‘pchak mansublari bo‘lsa, bariga Amerika ona kabi bag‘rini ochib, emchak bergan.

Sigirga topinadigan hindilar, soch-soqolini olmaydigan sikxlar, rohinjayu o‘sha rohinjalarni o‘z yurtida o‘ldirib lazzat oladigan norinj kiyimli buddoviy rohiblar, rasmga tushish va shanba kuni ishlashni makruh deb bilagan kokilli yahudiylar, jahon podshohligini va'da qilgan loxotron cherkovlarning bari Amriqoda. Shu mardumlar qatorida xaëlida IShID formatini orzu qilgan bizning g‘ofillar ham beozor qumrilar kabi rizq terib yuribdi. Amish va Amerika so‘zi boshidagi ikki harf o‘xshash bo‘lsa ham, haët tafriqalarga to‘la.

@uzrassomtuz