Balog‘atga yetmay erga tegib, to‘rt farzand ko‘rgan va xaydalgan ayol

O‘rtoqlar, juda dolzarb masala muhokamaga chiqyapti.

Rostini aytsam, bu xabarni ilk eshitganimda dalil yo‘qligi sabab e'lon qilishga oshiqmadim. Bugun esa qo‘limda tasdiqlangan ma'lumotlar bor jabrlanuvchi ayol va bolalar haqida to‘liq faktlarga egaman.

Ma'lum bo‘lishicha, o‘ta dindor va namozxon oila 7-sinfda o‘qiydigan qizini turmushga uzatgan. Keyinchalik u ayol dindor rijoldan birin ketin to‘rt nafar farzand ko‘rgan. Vaqt o‘tib, turmushdagi mayda-chuyda narsalar bahona qilib, er xotinni uydan haydagan va to‘rt nafar voyaga yetmagan farzandlarni olib Dubayga chiqib ketgan. Ungacha esa Turkiyadagi xujralarda ta'lim oldirib kelgan ota. Ayni damda esa ularni Misrga olib ketgani ma'lum. Qizlarni eng kattasini yoshi 12-13 yoshda. 

Eng alamli joyi to‘rt nafar o‘zbekistonlik qizaloqlar hech qaerda o‘qishmagan. Bolalar nega maktabga bormayapti, deb hech kim so‘ramagan, biron organ qiziqmagan. Otasiz katta bo‘lgan bu ayoldan bolalarni olib qo‘ygani kamdek, o‘sha er unga aliment to‘lash majburiyatini ham yuklab qo‘ygan.

7-sinfda turmushga berilgan qiz taqdiriga befarq bo‘lgan qarindosh-urug‘, mahalla va jamiyat endi uning to‘rt nafar farzandi taqdiriga ham loqayd bo‘lgani vijdonimni yemiryapti, qonimni qaynatyapti. 

O‘zbekiston Respublikasi huquqni muhofaza qilish organlariga murojaat qilaman:

voyaga yetmagan to‘rt nafar qizaloq va onasining huquqlarini qo‘pol ravishda buzgan bu shaxs qonun oldida javob berishi shart.

Bolalarning ta'limsiz qolishiga ko‘z yumib turgan mahalla, ta'lim muassasalari va mas'ul idoralarni befarq bo‘lgani juda og‘riqli masala.

4 nafar norasida go‘daklar faqat u er xotinga tegishli emas, u shu yurtni, xammamizni bolalarimiz. Bolalarni taqdiriga befarq qarashga xaqimiz yo‘qqqq!!!

Rassom Tuz sahifasidan