Tirbandlik sabablari nimada?

Toshkent yo‘llari zamonaviy va keng bo‘lishiga qaramay, tirbandlik hanuz davom etmoqda. 

Yo‘l chetida ruxsatnomasiz sotuvchilar mashinalarini to‘xtatib turadi, ba'zi haydovchilar yesa mashinalarini yo‘l chetiga qo‘yadi. 

Natijada boshqa haydovchilar majburiy ravishda boshqa yo‘lakka o‘tadi. Tirbandlik kuchayadi va shahar tartibi buziladi.

Pul evaziga berilgan ruxsatnomalar va mutasaddilarning befarqligi ochiq korruptsiyaning o‘zginasi. 

Ichki ishlar, soliq va hokimiyat organlari tartibni ta'minlamaydi. 

Chet eldan kelgan turistlar bu holatni kuzatib, Toshkentni tartibsiz va qoloq shahar sifatida qabul qilayotgani achinarli. 

Shahar yo‘llari nafaqat chiroyli, balki xavfsiz, samarali va tartibli bo‘lishi kerak. 

Sotuvchilar uchun alohida joy, jamoat transportini rivojlantirish va korruptsiyaga barham berish – buning yagona yo‘lidir.