Ijtimoiy himoya milliy agentligi nogiron bolalar rizqini talon-toroj qilmoqda

«Toshkent shahridagi Ijtimoiy himoya milliy agentligiga qarashli barcha maxsus maktabgacha ta'lim muassasalari va maktab internatlarida ijtimoiy himoyaga muhtoj bolalarga 2025 yil yanvar-dekabr oylariga oziq-ovqat uchun davlat tomonidan ajratilayotgan byudjet mablag‘lari agentlik xodimlari tomonidan majburiy tartibda o‘z tanishlari nomiga 22.01.2025 yilda ochilgan INN 311855077 ”FRESH SUPPLY”MChJga shartnoma qildirib ishlab kelinmokda. 

Agarda ushbu MChJ bilan shartnoma tuzmasa MTM va internat rahbarlarini ishdan olish buyicha do‘q-po‘pisa qilindi. MChJ tomonidan ta'minlanayotgan oziq-ovqat mahsulotlari sifatsiz bo‘lishiga qaramasdan iste'molga topshirilmoqda. 

Masalan, non mahsulotlari qotgan, MChJ bilan tashkilot o‘rtasida shartnoma 1-toifali mahalliy mol go‘shti yetkazib berishga sharnoma qilinishiga qaramay, boshka davlatlardan keltirilgan muzlatilgan mol go‘shti yetkazib berilyapti. 

Tashkilotlarda olib borilayotgan muzlatilga mol go‘shtining vetenariya xulosasi mavjud emas. Bu degani 1-toifali mahalliy mol go‘shti bilan boshqa davlatlardan keltirilgan muzlatilgan go‘sht o‘rtasida narxi bo‘yicha katta farqi bor. 

Agarda bu kamchiliklar agentlikka aytilsa, “indamay olavering”, deyishadi. Ijtimoiy himoyaga muhtoj (nogiron) bolalarga davlatimiz, Prezidetimiz tomonidan oziq-ovqati uchun ajratilgan mablag‘larni agentlik xodimlari talon-toroj qilishyapti.»