Afg‘onistonda kuchli zilzila – qurbonlar bor

Afg‘onistonda 6,3 magnitudali yer qimirlashi yuz berdi. Mozori-Sharif yaqinidagi tumanlar bundan eng ko‘p zarar ko‘rdi – u yerda o‘nlab binolar, ba'zilari butunlay vayron bo‘lgan. Shaharning mashhur tarixiy Moviy masjidi shikastlangan.

Mahalliy aholi uylar qulashidan qo‘rqib, yarim tunda ko‘chalarga yugurib chiqqan. Reuters agentligi ma'lumotlariga ko‘ra, kamida 7 kishi halok bo‘lgan. Yana 150 ga yaqin kishi jarohat olgan. Seysmik to‘lqinlar Afg‘onistondan tashqari – qo‘shni Tojikiston va O‘zbekistonda ham sezilgan.

Avgust oyida 6,0 magnitudali zilzila Afg‘onistonda 2200 dan ortiq odamning hayotiga zomin bo‘lgan edi. Keyinchalik ma'lum bo‘lishicha, toliblar ayollar va qizlarni har qanday yordamsiz qoldirgan. «Tolibon» ayollarga erkak shifokorlarga murojaat qilishni taqiqlaydi, ayol shifokorlar esa mamlakatda deyarli yo‘q.