Yevropa AQSh Ukrainani Rossiyaga hiyonatkorona taslim qilishidan xavotirda

Nemis nashri Der Spiegel Volodimir Zelenskiy dushanba kuni Yevropa Ittifoqi rahbarlari bilan o‘tkazgan yopiq telefon suhbati mazmunini e'lon qildi.

Suhbat ishtirokchilari AQSh Ukraina ishtirokisiz Rossiya bilan kelishuv tuzishi va amalda  Zelenskiyni hududiy yon berishlarga majburlashi mumkin deb hisoblashadi.

Yevropa rahbarlari nima dedi:

Emmanuel Makron «AQSh aniq xavfsizlik kafolatlarisiz hududiy masalada Ukrainaga xiyonat qilishi xavfi» mavjudligini aytdi.

Nemis nashriga ko‘ra, u Zelenskiyni «katta xavf» haqida ogohlantirgan. Biroq, Yelisey saroyi bu ma'lumotni rad etdi.

Fridrix Merts Zelenskiyni «yaqin kunlarda o‘ta ehtiyot bo‘lishga chaqirdi. «Amerikaliklar ham siz bilan, ham biz bilan o‘yin o‘ynamoqda», – deya qo‘shimcha qildi u.

Finlyandiya prezidenti Aleksandr Stubb shunday dedi: «Biz Ukraina va Volodimir (Zelenskiy)ni bu yigitlar bilan yolg‘iz qoldirmasligimiz kerak». NATO Bosh kotibi Mark Ryutte uni qo‘llab-quvvatladi: «Biz Volodimir (Zelenskiy)ni himoya qilishimiz kerak».

Suhbat ishtirokchilari muzlatilgan Rossiya aktivlari masalasi faqat Yevropada, Amerika bosimisiz hal qilinishi kerakligini ta'kidladilar.

Shuningdek, yevropaliklar Rossiya bilan muloqot olib borayotgan Amerika muzokarachilari – Stiv Uitkoff va Jared Kushner bilan o‘zlari alohida uchrashishga harakat qilishdi. Ammo uchrashuv bo‘lib o‘tmadi.