Sariosiyo hokimi o‘rinbosari qamaldi

Surxondaryo viloyatining Sariosiyo tumani hokimi o‘rinbosari 3 yil 1 oy muddatga ozodlikdan mahrum qilindi. Hokim o‘rinbosari bog‘chaga ishga kiritib qo‘yishni va'da qilib, fuqarodan o‘z xizmat xonasida 500 dollar olgan. 

U 2025 yil 21 sentyabrda ushlangan va qamoqqa olish tarzidagi ehtiyot chorasi qo‘llangan.

Sud hujjatida yozilishicha, sudlanuvchi 2020 yil 27 may kunidan 2025 yil 22 sentyabr kuniga qadar Sariosiyo tuman hokimining yoshlar siyosati, ijtimoiy rivojlantirish va ma'naviy–ma'rifiy ishlar bo‘yicha o‘rinbosari lavozimida ishlab kelgan.

JIB Sariosiyo tuman sudining hukmi bilan A.Q. Jinoyat kodeksining 168-moddasi 3-qismi “v” bandi va 28,211-moddasi 1-qismida nazarda tutilgan jinoyatlarni sodir etganlikda aybli deb topilgan.