Toshkentdagi ajralish haykali qoshida

23 may kuni Germaniyaning Toshkentdagi elchixonasidan chiqib ozroq yaëv yurib, toshkentliklar orasida “ajralish haykali” deya nom chiqargan monument oldiga borib qoldim.

1966 yil zilzilasiga atab qurilgan bu haykal haqida latifalar ko‘p. Shu payt qo‘limdagi aqlli soatim ping-ping qildi. Londondagi do‘stimdan SMS kelibdi.

“Falokat. Britaniya Yevropa Ittifoqini tark etdi” degan ëzuvga ko‘zim tushdi. Keyin bilishimcha, Britaniya xalqining 52 foizi Yevropa Ittifoqidan (YeI) chiqishni yoqlab ovoz beribdi.

YeIdan chiqishga qarshi bo‘lganlar referendum natijalarini «falokat», ularning raqiblari esa «Britaniya mustaqillik kuni», deb baholabdi.

Bu gaplarni o‘qib turib ko‘zim haykalga tushdi. Monumentda bitta qovog‘ini solgan erkak qo‘lini siltab, “Yetar ajralaman deb shahdam oldinga qadam tashlamoqda. Aël kishi esa “Mendan ajralma” deb dod solmoqda. Haykal oldida to‘rtburchak tosh darz ketganicha turibdi.

Yevropa Britaniyadan ajraldim deb g‘ussaga botar ekan, Toshkentda bu voqeaga tayër haykal turibdi.
Moshollo!!!

Etyudnigimni ochib, suv bo‘ëqlar bilan bu haykalning rasmini chizdim.

Deyarli o‘zgarishsiz chizdim. Faqat monument oldidagi darz ketgan toshga BRYeKSIT kalimasini ëzdim.

Rassom Kirpi
Eltuz.com