Klonlashtirilgan saylovlar

16 sentyabr kuni O‘zbekistondagi O‘zLiDep partiyasidan mamlakat vaqtli prezidenti Shavkat Mirziyoevning nomzodini ilgari surilgandi.

Uning ortidan rasmiyatchilik uchungina ko‘rsatiladigan, nomi kamdan kam quloqqa chalinadigan shaxslarning nomzodlari ham ilgari surildi.

Hususan ular «Milliy Tiklanish» partiyasidan Sarvar Otamurodov, «Adolat» partiyasidan Narimov Umarov, Xalq demokratik partiyasidan Hotamjon Ketmonovlardir.

Nomzodlardan Xotamjon Ketmonov va Narimon Umarovlarning 2015 yilgi saylovlarda qatnashgani va 3 foizga yaqin ovoz olishganini bilamiz.
Hammadan oldin start chizig‘iga yetib kelgan Bosh vazir Shavkat Mirziyoevning O‘zbekiston konstitutsiyasiga xilof tarzda bo‘shagan prezidentlik kursisida Senat raisi o‘rnida paydo bo‘lgani ma'lum.

Qolgan nomzodlarni esa hech kim kuch jihatdan unga teng keladigan nomzod sifatida ko‘rmayapti.

Hususan, ilgari turli ekspertlar tomonidan Mirziyovga raqobatchi deya sanab kelingan Moliya vaziri Rustam Azimovning nomzodi ro‘yxatlarda yo‘q.

«Oybolta bilan qurollangan Shavkat Mirziyoev o‘zi qo‘ygan ketmonlarga qarshi ot suradi» deydi Eltuz.com nashriga saylov kampaniyasi plakatiga ishlagan rasmini jo‘natgan rassom Kirpi.

Rassom Kirpi
Eltuz.com