O‘zbeklar horijdagi qora ishga «uyushgan tarzda» jo‘natiladi

Ishsizlik – O‘zbekistondagi eng og‘ir muammolardan biri. Ko‘p yillar davomida millionlab o‘zbekistonliklar tirikchilik yo‘lida aksariyat Rossiyaga ketishdi.

O‘zbekiston Rossiya va Qozog‘istonning asosiy mehnat muhojirlari yetkazib beruvchisiga aylandi.

Shavkat Mirziyoevning 2017 yil aprelidagi Moskva safaridan so‘ng aftidan hukumat bu stixiyali jarayonni o‘nglamoqchi ko‘rinadi.

Rossiya va O‘zbekiston o‘rtasida fuqarolarni vaqtinchalik ishga jo‘natish yuzasidan bitimlar amal qila boshladi.

Hususan, Rossiyaning «RIA Novosti» agentligi o‘tgan aprel oyida O‘zbnekiston bilan mehnat migratsiyasi bo‘yicha ikkita kelishuv bitimi tayyorlanayotganini bildirgandi.

Jumladan birinchi hujjat O‘zbekiston fuqarolarini RF hududida ishga tashkiliy jalb etilishiga oid bo‘lsa, ikkinchi bitim migratsiya sohasidagi o‘zaro vakolatli idoralarning ta'sis etishni ko‘zlaydi.

Hukumatning mardikorlarga mutlaqo e'tibor bermaslikdan, ularning borligini e'tirof etish sari tashlagan bu ijobiy qadamini olqishlash mumkin. Biroq o‘zbek muhojirlarini Rossiyada hech kim quchoq ochib kutmayotgani ham ma'lum.

O‘zbek hukumati mamlakatning ichida yetarli ish o‘rinlari yarata oladimi degan savol esa ochiq qoladi. Bu ko‘proq real iqtisodiy islohotlar natijasiga bog‘liq.

Rassom Tuz
Eltuz.com