Bekobodlik bangi prezidentdan nasha o‘stirishga ruxsat so‘radi

Bekobodlik nashavandning «qiynalib yetishtirgan nasha o‘simligi»ni IIB xodimlari olib qo‘yishgani haqidagi prezident qabulxonasiga 2019 yil 5 yanvarda jo‘natilgan shikoyati nusxasi «Eltuz»ga yetib keldi.

Sherali ismli shaxsning prezidentga yozishicha, u avval «geroin iste'mol qilgani uchun ikki marta qamalib chiqqan», biroq «hozir geroin iste'mol qilishni tashlab, nasha iste'mol qilishga» o‘tgan va hech qaerda nasha topa olmagani uchun uyida o‘zi uchun nasha o‘stira boshlagan.

«Uyimga prokuratura va IIB xodimlari kelib, qiynalib yetishtirgan nashalarimning hammasini uzib olib ketishdi. Mening uylarimni shunchalik tekshirishga nima haqlari bor? Men oldi-sotdi qilayotganim yo‘q-ku. Iltimos, uyimda o‘zim foydalanishim uchun o‘stirayotgan nasha o‘simligini nima sababdan uzib olib ketishganlarini tushuntirib berishlarini va mening tinchligimni ta'minlab berishlarini so‘rayman», deya arz qiladi bekobodlik Sherali prezidentga.

Rassom Tuz
Eltuz.com