Rahmatjon Qo‘ldoshev: Karimov yovuz edi

Kariimovni faqat diniy ekstremizm bilan kurashgan deyishadi. Yo‘q, unday emas, u hokimiyatga kelgan kunidan boshlab dunyoviy muxolifat, ziyolilar, erkin fikrli insonlarga g‘azabini sochgan, juda qatttiq tsenzura o‘rnatgan, matbuot tashviqot quroliga aylangan. 

1999-yilgacha diniy guruhlarga qattiq tegmagan, asosan muxolifat va ziyolilar bilan kurashgan. 

Nechta erkin fikrli ziyolilarni universitetdan haydagan. 

Karimov o‘z hokimiyatini yaxshi ko‘rardi, boshqa hech narsani. 

Karimov kabi diktatorlar tarixda ko‘p o‘tgan va hammasi keyinchalik qoralangan. Faoliyati taxlil qilingan. Karimov diktaturasi yangilik emas. 

Men dinga aloqasi yo‘q o‘nlab qamalgan faollarni bilaman. 

Qiynoqlar dahshatli tus olgan. 

U mutloq diktatura o‘rnatish uchun hamma ishni qilgan. Matbuot Karimov shaxsini ulug‘lashga safar etilgan. Ya'ni Stalin davridagi kabi siyosiy diktaturani o‘rnatgan. Minglab odamlar siyosatdan havfsirab horijga chiqib ketdi. 

Karimov siyosatini yaxshi biladiganlar uning faoliyatiga baho bersa bo‘ladi. 

Hatto vazirlar qamalib qolishdan qo‘rqib yashagan. 

Iqtisod vayron bo‘lgan. Ammo matbuot O‘zbekistonni jannat deb atashdan uyalmagan. 

Mana, hozir bir qadar erkinlik bo‘ldi, gaplarimizni qo‘rqmay gapiryapmiz. 

Karimov davri qo‘rquv davri edi.