Xorazm va Qoraqalpog‘istonga chang to‘foni aralash tuz yog‘di

Favqulodda vaziyatlar va sog‘liqni saqlash vazirligi rasmiylari tuz bo‘ronidan jabrlangan Qoraqalpog‘iston va Xorazm viloyatiga uchib kelishdi.

29 may kuni Orol dengizidan qaytgan mahalliy ekologlardan biri Oktyabr Dospapovning yozishicha, 26-28 may kunlari dengiz satxida ilgari kuzatilmagan miqyosda to‘fon ko‘tarilgan, tuz aralash chang yomg‘iri Qoraqalpog‘iston va Xorazm viloyati hududlariga yog‘ilgan.

«Ekologik haloqat yoqasidagi dengiz aftidan, – agar «sizlar kelmasangiz, men boraman» qabilida ish tutayapdi», deydi nukuslik ekolog Oktyabr Dospanov.

Uning so‘zlariga ko‘ra, hozir Nukus ko‘chalarini shlang bilan yuvishayapti. Biroq tabiiy ofatdan bahorgi ekinlarga yetgan zarar miqdori hali noma'lum.

Xorazm viloyatining Shovot shahrida yashovchi fermer ayolning aytishicha, chang to‘foni ko‘tarilgan kunlari ko‘chaga bolalarni chiqarishmagan, ko‘chada yurish, nafas olish nihoyatda qiyin bo‘lgan.

Bugunga kelib dorixonalarda yuzga to‘siladigan oddiy resperatorlarni topishning iloji bo‘lmayapti.

«Oppoq tuz aralash chang yog‘di osmondan. Bir metr narini ko‘rib bo‘lmasdi. Shu kuni yuzimizni doka ro‘mol bilan to‘sib chiqdik tashqariga» deydi u.

Uning aytishicha, dalalar, bog‘larga yoqqan changli tuz natijasida mevali daraxtlar qurib, qovjirab qurib qolgan.

Xorazm viloyati Urganch shahrining oppoq tuz qoplagan manzaralari aks etgan suratlari videolari ijtimoiy tarmoqda tarqaldi

Manzara huddi tabiiy ofat aks etgan qo‘rqinchli filmlaridagi kabi bo‘ldi. Huddi vulqon otilganidan so‘ng, lava kukuni shaharga yog‘ilgan kabi holat bir sutka davom etdi» deydi «Eltuz»ning Urganchdagi yana bir suhbatdoshi.

Eltuz.com