Oliy sud jurnalistlardan qasd olish buyurtmasini bajardi

O‘zbekiston Oliy sudi joriy yilning 16 aprel kuni junalistlar Bobojonovlarning uylari musodara qilinishi haqidagi sud qarorlari ustidan arizani «qanoatlantirmaslik» haqida rasman bildirdi.

Jurnalistlarning advokati Sergey Mayorov mahalliy hokimiyat idorasi roziligi va ruxsati bilan qurilgan, odamlar yashayotgan uylarning hokimiyat foydasiga musodara qilinishini «mutlaqo absurd qaror», deb atadi.

«Ushbu qaror buyurtma tarzida chiqarilgan. Har holda qaysidir davlat amaldorining jurnalistlardan aynan shunday qasd olganiga juda ko‘p alomatlar bor. Bu, albatta, noto‘g‘ri va adolatsiz qaror», deya ta'kidladi jurnalistlarni sudda himoya qilgan «Simay» advokatlik byurosi rahbari Sergey Mayorov «Eltuz» muxbiriga bergan intervyusida.

Eslatib o‘tamiz, joriy yilning boshida Urganch tumani sudi jurnalistlar Bobojonovlarning uylarini musodara qilish haqida qaror chiqargan. Bu qarorni chiqargan sudya O‘tkir Masharipov uni o‘z kuchida qoldirgan.

Keyingi instantsiyada 1 fevral kuni Oliy sud sudyasi Jamshid Tirkashev jurnalistlar arizasini rad qilib ajrim chiqargan, ajrim yuzasidan jurnalistlar tag‘in Oliy sudga shikoyat qilishgan edi.

Video: https://youtu.be/kX1ire_wCAQ

Eltuz.com