Izboskan hokimi kimning izini bosdi

Izboskan tumani Andijon viloyati tarkibida ta'sis etilganiga 97 yil bo‘lgan. Ammo, Eltuz suhbatlashgan izboskanliklar, tuman tarixida biron hokim Serobiddin Ismoilov kabi omadli emasligini aytishadi.

Hali ellikka kirmagan Isboskan hokimi hozirgacha ellikta tegirmondan butun chiqdi.

Boshi toshdan ekan bu hokimning. Yon atrofida korruptsiyada ayblanib qamalmagan mulozim deyarli qolmadi. Serobiddin Poziljonov bundan mustasno albatta. 

Keling, statisikaga nazar tashlaymiz:

Serobiddin Poziljonovning birinchi o‘rinbosari Elyorbek Karimov, Iqtisodiyot boshqarmasi o‘rinbosari, shuningdek qurilish bo‘yicha o‘rinbosari Jamshidbek, uy-joy kommunal xo‘jaligi boshlig‘i va investitsiya bo‘yicha o‘rinbosar Elyorbek Abdullaevlar pora bilan qo‘lga tushib qamaldi;  

Investitsiya bo‘yicha o‘rinbosar Azamat Karimov ham ayni jinoyatda ayblanib ozodlikdan mahrum qilingan;

Qurilish bo‘yicha o‘rinbosar Ilhom Soliev qidiruvda;

Birinchi o‘rinbosar Umidjon To‘xtashev 6 million so‘m pora bilan qo‘lga tushib qamalib ketdi; 

Iqtisodiyot bo‘limi boshlig‘i Bahodir Ismoilov ham pora ustida ushlanib qamaldi;

Xotin-qizlar bo‘yicha o‘rinbosar Saida Mannapovna subsidiya uy bo‘yicha korruptsiyada ayblanib sudlangan, lekin hoziram o‘z joyida ishlayapti;

Xalq ta'limi bo‘limi mudiri Azizbek ham poraxo‘rligi uchun qamalgan;

Izboskan tumani Suv oqava rahbari Ulug‘bek ham pora olgani uchun qamalgan;

Xalq ta'limi bo‘limining yana bir mudiri Dilmurod rastrata uchun sudlangan, hozir tumandagi maktablardan biriga direktorlik qilyapti;

Qishloq xo‘jaligi bo‘yicha o‘rinbosar Abdupattoh – sudlangan, ishdan olingan, lekin xozir xam norasmiy o‘rinbosar;    

Qurilish bo‘yicha o‘rinbosar Bahodir 40 million pora olayotib ushlangan, hozir qamoqda;

Qurilish bo‘yicha o‘rinbosar Hayrullo Mamatov sudlangan ishsiz….

Bu ro‘yxatni yana davom ettirish mumkin! Afandining gapi to‘g‘ri, O‘zbekistonda hamma o‘g‘ri.

 Lekin, bizni lol qoldirgani – hamma o‘g‘ri ammo Izboskan hokimi toza ekan.

Eltuz O‘zbekistondagi hokimlarning kirdikorlarini o‘rganishda davom etadi. Kanalimizga obuna bo‘ling. Videolarimizga layk qoldiring.