AQSh razvedkasi: Putin urushni cho‘zishga intiladi

NBC News telekanaliga Amerika razvedkasining xulosalari haqida xabardor manbalar quyidagilarni ma'lum qildi.

Rossiya armiyasining katta yo‘qotishlari va urushning to‘rtinchi yilida retsessiya yoqasiga kelib qolgan iqtisodiyotdagi muammolar tufayli Putin har qachongidan ham o‘ta tajovuzkor pozitsiyani egallagan.

Endi u falokatli yo‘qotishlarni oqlash uchun ko‘proq Ukraina hududlarini bosib olish va umuman Ukrainani Rossiya uchun «xavfsizlashtirish»ga intilmoqda.

The Economist nashrining hisob-kitoblariga ko‘ra, Rossiyaning hozirgi hujum sur'atlarida, masalan, Donbass va boshqa qisman bosib olingan viloyatlarni to‘liq egallash uchun boshlagan urushi 2030 yilgacha cho‘zilishi mumkin. 

Nashrning ta'kidlashicha, may oyida Rossiya yangi yirik hujumni boshlagandan beri, u Ukraina hududining atigi 0,4% ini egallay oldi va sezilarli muvaffaqiyatga erishmadi.