O‘zbekiston – “2019 yil mamlakati”

Britaniyaning nufuzli The Economist  jurnali O‘zbekistonni «2019 yil mamlakati» deb e'lon qildi. Nashr so‘nggi yillarda mamlakatda muhim islohotlar amalga oshirilganini ta'kidlaydi.

«Uch yil oldin O‘zbekiston sobiq Sovet Ittifoqi kabi diktatura, o‘ta shafqatsizlik bilan boshqariladigan yopiq jamiyat edi. Uning rejimi mahkum dissidentlarni qaynoq suvga tashlab o‘ldirdi, erkaklar, ayollar va bolalarni terim paytida paxta dalalarida ishlashga majbur qildi.

27 yil mustabid bo‘lgan Islom Karimov 2016 yili o‘lgach, o‘rniga bosh vazir Shavkat Mirziyoev keldi. 2018 yili xavfsizlik xizmati boshlig‘ini ishdan bo‘shatganidan so‘ng janob Mirziyoev o‘tgan yil davomida jadal islohotlarni boshladi. Uning hukumati asosan majburiy mehnatga barham berdi. Mamlakatning mashhur turmasi yopildi.

Chet el jurnalistlarini ta'qib qilishga barham berildi. Byurokratlarga ilgari odatiy bo‘lgan kichik biznes subektlaridan pora olish taqiqlandi. Ko‘proq chegara o‘tish joylari ochildi, bu Markaziy Osiyoning chegaralarga bo‘lingan bo‘lgalarini birlashtirishga yordam berdi.

O‘zbekiston hali uzoq yo‘l bosishi kerak, ammo 2019 yilda hech bir mamlakat shu qadar ilgarilamadi», deya xulosa qiladi The Economist tahririyati.

Eltuz.com