Bekobodda IIB xodimi fuqaroni mashinasi bilan bosib o‘ldirdi

11 dekabr kuni soat taxminan 22:30 lar atrofida Ummatqulov Berdiyor Baxtiyorovichni moshina urib ketdi.  Rulda ichki ishlar xodimi bo‘lgani ma'lum.  Voqea Bekobod-Bo‘ka yo‘nalishidagi Oybek posti yaqinida sodir bo‘lgan.

«Otamni melisa moshinada urib ketgan. So‘ng otamni olib 40 kilometr uzoqlikdagi daryoga eltgan.  Va daryoga tashlab yuborgan. 11 dekabrdan beri qidiruv davom etyapti.  Lekin otamning jasadi topilmayapti. Qidiruv ishlari kundan-kunga suslashyapti.  Iltimos, otamni topishga yordam beringlar» – deydi qurbonning o‘g‘li Eltuzga murojaatida. 

O‘g‘ilning ta'kidlashicha,  moshinada piyodani majaqlab o‘ldirgan ichki ishlar xodimi darhol xotinini chaqirtirgan.  Er-xotin birgalikda qurbonni 40 kilometr naridagi daryoga uloqtirishgan. 

Hozirda bu melisa ustidan tergov ishi ketmoqda. Biroq jinoiy sherik bo‘lgan uning xotini javobgarlikka tortilmadi. Shuningdek,  vaqt o‘tgan sayin murdani topish imkoni yo‘qolib bormoqda. 

IIB shu o‘rinda «o‘lik yo‘q bo‘lsa – jinoyat ham yo‘q»  qabilida harakatlanayotgan bo‘lishi mumkinmi?