Robert Fitso: Trampning harakatlari xavfli

Politico nashri xabarida aytilishicha, Robert Fitso Donald Tramp bilan Floridadagi uchrashuvdan keyin uning holatidan «hayratda qolgan». 

Gap shundaki, Slovakiya bosh vaziri Robert Fitso AQSh prezidenti Donald Tramp bilan Floridadagi Mar-a-Lago qarorgohida bo‘lib o‘tgan uchrashuvdan keyin, Bryusseldagi Yevropa Ittifoqining favqulodda sammitida, ayrim yevropalik yetakchilarga Trampning ruhiy holati uni jiddiy xavotirga solganini aytgan.

Nashr manbasiga ko‘ra, Fitso Trampni xatto «xavfli «deb ta'riflagan.

Va u bu fikrini rasmiy bayonotda emas, balki sammit davomidagi yopiq va norasmiy suhbatlarda aytilgani ta'kidlagan. 

Qizig‘i shundaki, Robert Fitso, odatda, Trampga nisbatan iliq munosabatda bo‘lgan yevropalik siyosatchilardan biri hisoblanadi.

Shu sababli uning bunday bayonoti ayrim Yevropa yetakchilari orasida hayrat uyg‘otgan.

Biroq, keyinchalik Robert Fitso bu xabarlarni rad etgan. U o‘zi haqda tarqalgan ushbu ma'lumotlarni asossiz deb atab, Tramp haqida bunday gaplarni aytmaganini bildirgan.